Haaland, Toney, Gomes, Diomande, Gyokeres, Southgate, O'Neil, De Zerbi og fleiri góðir í slúðri dagsins
   fös 17. júlí 2009 17:19
Magnús Már Einarsson
Viðræður KR og Halmstad ganga vel
Jónas Guðni í Evrópuleiknum gegn Larissa í gær.
Jónas Guðni í Evrópuleiknum gegn Larissa í gær.
Mynd: Fótbolti.net - Gísli Baldur
KR og Halmstad hafa í dag átt í viðræðum varðandi kaup sænska félagsins á Jónasi Guðna Sævarssyni fyrirliða Vesturbæinga.

Halmstad hefur haft augastað á Jónasi síðan í byrjun sumars og góður skriður er nú kominn í samningaviðræður milli félaganna.

Halmstad gerði tilboð á dögunum sem KR-ingum þótti alltof lágt en núna virðist ekki vera langt í að félögin nái saman.

,,Við reiknum með að heyra aftur frá þeim í kvöld eða á morgun," sagði Rúnar Kristinsson yfirmaður knattspyrnumála hjá KR við Fótbolta.net í dag.

,,Þetta hefur verið á mjög góðu viðræðustigi eftir að þeir hækkuðu tilboð sitt. Við erum farnir að ræða saman á góðum nótum og þetta lítur ágætlega út fyrir Jónas og okkur."

Rúnar telur líklegra en ekki að félögin muni ná saman um kaupverð á endanum.

,,Ég tel líklegra að samningar náist en annars veit maður aldrei. Menn geta fengið flugu í hausinn einn góðan veðurdag og hætt við allt saman," sagði Rúnar.
Athugasemdir
banner
banner
banner
banner