Chiesa í skiptum fyrir Greenwood? - David til Chelsea - Buðu Palace að fá Olise aftur á láni - Slot skoðar Minteh - Varane til Miami
   fös 20. maí 2011 10:30
Bjarni Þór Viðarsson
Pistill: Pistlar á Fótbolta.net eru viðhorf höfundar og þurfa ekki endilega að endurspegla viðhorf vefsins eða ritstjórnar hans.
Stóra stundin nálgast...
Bjarni Þór Viðarsson
Bjarni Þór Viðarsson
Kiddi Stein með öryggið á oddinum í öllum flugferðum liðsins!
Kiddi Stein með öryggið á oddinum í öllum flugferðum liðsins!
Mynd: Úr einkasafni
Gulli plataður af hópnum, glasatrixid klikkar seint!
Gulli plataður af hópnum, glasatrixid klikkar seint!
Mynd: Úr einkasafni
Eftir rúmar þrjár vikur verður flautað til leiks í Árósum. Spennan er að magnast, hjá sjálfum mér og vonandi öllum landsmönnum! Fyrsti leikur er gegn sterku liði Hvít-Rússa sem áður hafa tekið þátt í stórmóti. Mikilvægt er að ná góðri byrjun og til þess að svo verði þurfa menn að vera einbeittir, með báða fætur niðri á jörðinni og með góðan stuðning frá þjóðinni.

Undirbúningur er hafinn, 40 manna hópur hefur verið tilkynntur og eru leikmenn liðsins sem spila erlendis að tínast til landsins. Eyjólfur Sverrisson þjálfari og hans teymi eru með allt á hreinu og fagmannlega er staðið að öllu. Nú er aðeins spurning um að gefa í og að við leikmenn liðsins verður tilbúnir í bardaga þann 11. júní.

Tveir æfingaleikir voru spilaðir í lok marsmánuðar, gegn Úkraínu og Englendingum. Töluvert var um breytingar milli leikja þegar kom að liðsuppstillingu, menn að koma inn eftir A-landsleik og sumir sem þurftu að kíkja í æfingaferðir íslensku liðanna. Margir leikmenn fengu sénsinn gegn Úkraínu og nýttu hann allir afar vel og ljóst að hungrið er til staðar. Lið Úkraínu er rútínerað, vel skipulagðir og gefa fá færi á sér og eiga eflaust eftir að valda usla í riðli B.

Leikurinn gegn Englandi í Preston var síðasti æfingaleikur liðsins fyrir sumarið. Öflugur sigur gegn sterku liði Englendinga sem ætla sér stóra hluti á mótinu. Mikið af góðum punktum sem þjálfararnir og við leikmenn getum tekið út úr leiknum, bæði varnar- og sóknarlega.

Leikmenn liðsins eru staðráðnir í því að gera góða hluti í sumar. Það sem mun fleyta okkur langt er samheldni liðsins og samkenndin innan hópsins. Ég efa að nokkuð lið í keppninni hafi að skipa jafn litríkum persónuleikum eins og okkar lið.

Knoll og Tott fara þar fremstir i flokki, mæta alltaf of seint í mat, missa af flugum og eru vængbrotnir án hvors annars. Þar á ég að sjálfsögðu við Arnar Darra og Björn Bergmann, þeir hafa haldið sektarsjóðnum uppi! Persónulega hef ég miklar áhyggjur af yngra liði hópsins, staðan í leikjum eldri vs. yngri er 12-1 eldri í vil. Það virðist engu máli skipta hvaða keppnir séu i gangi, yngri ná sér sjaldan á strik. Allt hefur verið reynt til að koma þeim til hjálpar en lítið virðist geta bjargað þeim!

Nú er ekki seinna vænna fyrir ykkur kæru lesendur að bóka flug til Danmerkur og aðstoða okkur strákana við að skrifa söguna!

Þangað til næst,
Bjarni Þór Viðarsson leikmaður u-21 landsliðs Íslands
banner
banner