Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
   þri 18. desember 2012 06:00
Hafliði Breiðfjörð
Guðmundur Viðar Mete tekur við Hvíta riddaranum
Kristján Sigurðsson fógeti Hvíta riddarans ásamt Guðmundi Mete þegar þjálfunarsamningurinnn var handsalaður.
Kristján Sigurðsson fógeti Hvíta riddarans ásamt Guðmundi Mete þegar þjálfunarsamningurinnn var handsalaður.
Mynd: Raggi Óla
Guðmundur Viðar Mete hefur verið ráðinn þjálfari 4. deildar liðs Hvíta riddarans í Mosfellsbæ. Hann tekur við af Bjarka Má Sverrissyni sem hefur látið af störfum sökum anna á öðrum sviðum.

Guðmundur er þrautreyndur knattspyrnumaður sem leikið hefur í úrvalsdeildinni í Svíþjóð auk þess að leika með Keflavík, Val og Haukum hér heima. Hann gerði nýlega samning við Knattspyrnudeild Aftureldingar um að leika með félaginu í 2. deild á komandi keppnistímabili.

Hvíti riddarinn í Mosfellbæ var stofnaður árið 1998 og lék í utandeildinni í nokkur ár áður en félagið var skráð til leiks í 3. deild.

Frá árinu 2007 hefur félagið verið rekið í nánu samstarfi við Knattspyrnudeild Aftureldingar en leikmenn 2. flokks Aftureldingar eru til dæmis gjaldgengir með Hvíta riddaranum. Hvíti riddarinn hefur tvisvar náð 3. sæti í 3. deild.
Athugasemdir
banner
banner