Heimild: Fylkismenn.is 

Viktor Örn, sem er 24 ára gamall vinstri bakvörður, er uppalinn í FH en hann spilaði sinn fyrsta leik með FH í efstu deild árið 2009.

Hann var lánaður til Víkings R árið 2010 þar sem hann átti gott tímabil og hjálpaði liðinu að komast upp í efstu deild.

Viktor var byrjunarliðsmaður hjá FH-ingum árin 2011 og 2012, en hann spilaði þó lítið í sumar vegna meiðsla. Hann á að baki 60 leiki í deild og bikar fyrir FH og Víking og þá hefur hann skorað 12 mörk í þeim leikjum.

Hann gerði þriggja ára samning við Fylki í kvöld, en hann hefur æft með liðinu að undanförnu. Hann er annar leikmaðurinn sem Fylkir fær til sín, en Gunnar Örn Jónsson samdi við félagið á dögunum.