Lítið gerðist í fyrri hálfleik er Blikar heimsóttu KFG sem er meðal sterkari liða 4. deildarinnar.

Arnór Gauti Ragnarsson kom Blikum yfir eftir bragðdaufan hálfleik en markið skoraði hann með skalla eftir hornspyrnu frá Atla Sigurjónssyni.

Leikurinn opnaðist eftir því sem tók að líða á leikinn og tókst heimamönnum að jafna með skallamarki frá Hákoni Atla Bryde.

Arnþór Ari Atlason og Höskuldur Gunnlaugsson komu inn fyrir Blika eftir jöfnunarmark Garðbæinga og gjörbreyttu leiknum.

Fyrst átti Arnþór Ari skot sem Haukur Þorsteinsson, leikmaður KFG, reyndi að fara fyrir en endaði á því að sparka knettinum óvart í eigið mark.

Skömmu síðar kláraði Höskuldur Gunnlaugsson leikinn þegar hann stal boltanum af varnarmanni KFG og vippaði yfir markvörð Garðbæinga.

Blikar eru því komnir í 16-liða úrslit en KFG er úr leik.

Sjá textalýsingu frá leiknum