Einum leik er lokið í Fótbolta.net mótinu í dag en ÍBV og Stjarnan áttust við í Kórnum. Þessi lið leika í riðli 2.

Eftir markalausan fyrri hálfleik kom Guðjón Baldvinsson Stjörnunni yfir í upphafi síðari hálfleiks. Lengi leit út fyrir að það yrði eina mark leiksins en Eyjamenn gáfust ekki og náðu inn jöfnunarmarki á lokamínútunum.

ÍBV eru því enn taplausir þar sem liðið vann 2-0 sigur á Breiðablik í fyrsta leik riðilsins. Sama má segja um Stjörnuna sem vann 3-2 sigur á Víkingi Ólafsvík í fyrstu umferð.