sun 13. ágúst 2017 12:30
Þórarinn Jónas Ásgeirsson
United hafnar tilboði Tottenham í Martial - Özil til Barca?
Powerade
Tottenham vill fá Anthony Martial
Tottenham vill fá Anthony Martial
Mynd: Getty Images
Özil er sagður vilja komast til Barcelona
Özil er sagður vilja komast til Barcelona
Mynd: Getty Images
Gylfi fer til Everton í vikunni samkvæmt slúðrinu
Gylfi fer til Everton í vikunni samkvæmt slúðrinu
Mynd: Getty Images
Enska úrvalsdeildin er farin að rúlla. Þrátt fyrir það er nokkuð í að félagsskiptaglugginn loki. Kíkjum á slúður dagsins.

Manchester United hefur hafnað tilboði Tottenham í franska sóknarmanninn Anthony Martial. (Independent)

Jurgen Klopp, stjóri Liverpool, vill fá ítalska sóknarmanninn Lorenzo Insigne til að fylla skarð Coutinho ef að hann fer frá félaginu. (Sunday People)

Barcelona mun koma með tilboð upp á 100 milljónir punda í Coutinho (Sunday Express)

Chelsea mun gera annað tilboð í Danny Drinkwater sem mun hljóða í kringum 25 milljónir punda eftir að tilboði þeirra upp á 15 milljónir punda var hafnað fyrr í sumar (Sunday Telegraph)

Real Madrid hefur gefist upp á að reyna að fá David De Gea, markvörð Manchester United í sumar. (Sunday Express)

Barcelona er að kaupa Paulinho, fyrrverandi miðjumann Tottenham, frá kínverska liðinu Guangzhou Evergrande á 40 milljónir evra. (Mail on Sunday)

PSG hafa náð samkomulagi um kaup á Kylian Mbappe fyrir meiri pening heldur en þeir fengu Neymar fyrir, sem var 200 milljónir punda. Þeir munu borga 173 milljónir punda plús bónusgreiðslur. (Sunday Times)

Þýski miðjumaðurinn Mesut Özil vill ekki vera áfram hjá Arsenal og er að ýta á eftir skiptum til Barcelona (Daily Star Sunday)

Tottenham mun opna veskið vel áður en félagaskiptaglugginn lokar og munu byrja á að bjóða í Ross Barkley, miðjumann Everton. (Sunday Telegraph)

En Mauricio Pochettino er ekki viss hvort það sé þess virði að eltast við Barkley og hefur meiri áhuga á að fá Pape Cheikh Diop, miðjumann Celta Vigo, og Davinson Sanchez, varnarmann Ajax, fyrir samtals 50 milljónir punda. (Sun on Sunday)

Ajax hefur nú þegar hafnað 40 milljóna evra tilboði frá Spurs og boðið Kólumbíumanninum nýjan samning til að sannfæra hann um að vera áfram (De Telegraaf)

Chelsea er tilbúið að selja Eden Hazard til Barcelona fyrir 110 milljónir punda (Daily Star Sunday)

Manchester United hafa opnað viðræður aftur við Inter um króatíska kantmanninn Ivan Perisic og eru tilbúnir að borga 48 milljóna punda verðmiðann sem settur var á hann. (Sunday Mirror)

Chelsea hafa áhyggjur af því að Diego Costa hafi bætt of mikið á sig í fríi sínu í Brasilíu og gerir þeim því erfiðara fyrir að selja hann. (Sunday Times)

Costa mun verða sektaður fyrir að koma ekki til baka úr fríi fyrir tveimur vikum síðan. (Daily Star Sunday)

Liverpool hafa sagt Emre Can að hann er ekki að fara neitt þrátt fyrir að Juventus hafi boðið 23 milljónir punda í hann. Can er á síðasta ári samnings síns. (Sunday Mirror)

Gylfi Þór Sigurðsson mun loksins klára skipti sín yfir til Everton í þessari viku og munu Swansea reyna að fá Nacer Chadli frá West Brom. (Sunday People)

Athugasemdir
banner
banner
banner
banner