banner
   sun 13. ágúst 2017 14:36
Þórarinn Jónas Ásgeirsson
Championship: Sunderland með útisigur á Norwich
Lewis Grabban skoraði tvö gegn sínum gömlu félögum og eitt fyrir þá líka
Lewis Grabban skoraði tvö gegn sínum gömlu félögum og eitt fyrir þá líka
Mynd: Getty Images
Norwich 1 - 3 Sunderland
0-1 Grabban ('27 )
0-2 McGeady ('60 )
0-3 Grabban ('71 )
1-3 Grabban ('78 , sjálfsmark)

Einn leikur fór fram í ensku Championship deildinni í dag. Sunderland fór þá í heimsókn á Carrow Road og heimsótti Norwich City.

Það voru gestirnir í Sunderland sem fóru með sigur af hólmi. Lewis Grabban, sem kom frá Bournemouth í sumar, kom Sunderland yfir eftir tæpan hálftíma leik og þannig var staðan í hálfleik.

Aiden McGeady tvöfaldaði svo forystu gestanna þegar hálftími var eftir af leiknum áður en Grabban skoraði svo sitt annað mark ellefu mínútum síðar og gulltryggði sigur Sunderland.

Grabban var þó ekki hættur því að hann bætti við þriðja marki sínu í leiknum stuttu seinna en nú skoraði hann í sitt eigið mark. Lokatölur því 3-1 fyrir Sunderland.
Stöðutaflan
  L U J T ms: mf: mun Stig
0 0 0 0 0 0 0 0 0
Athugasemdir
banner
banner