Roma hefur sagt Leicester að þeir verði að fá svar við tilboði sínu í Riyad Mahrez í síðasta lagi á þriðjudaginn. Samkvæmt heimildum Sky Sports hefur ítalska stórliðið boðið metfé í Mahrez, 31,8 milljónir punda, og bíða nú eftir svari.

Ef að Leicester svara ekki tilboði þeirra fyrir miðnætti á þriðjudag munu þeir enda algjörlega áhuga sinn á Alsíringnum og snúa sér að öðrum.

Roma hafði áður boðið 20 milljónir og 27 milljónir punda í Mahrez en þeim tilboðum var báðum hafnað.

Mahrez hefur sagt það opinberlega að hann vilji yfirgefa Leicester en hann byrjaði samt sem áður á móti Arsenal síðastliðið föstudagskvöld.