England 0 - 0 Brasilía
Mörkin létu ekki sjá sig á Wembley í þessu landsleikjahléi.
Eftir markalaust jafntefli gegn Þýskalandi á föstudag gerði England aftur markalaust jafntefli í kvöld, nú gegn Brasilíu.
Varnarleikur Englendinga var fínn í kvöld og var Joe Gomez, varnarmaður Liverpool, valinn maður leiksins. Gomez var að byrja sinn fyrsta landsleik, en hann hafði góðar gætur á Neymar.
Það voru aðrir vináttulandsleikir í dag. Nígería vann Argentínu eftir að hafa lent 2-0 undir, Rússland náði 3-3 jafntefli gegn Spáni, Holland lagði Rúmeníu, Belgía marði Japan og jafntefli var niðurstaðan þegar Þýskaland og Frakkland mættust í Köln. Alexandre Lacazette, sóknarmaður Arsenal, gerði bæði mörk Frakklands.
Romelu Lukaku, sóknarmaður Manchester United, var einnig á skotskónum. Hann gerði eina mark Belgíu gegn Japan.
Hér að neðan eru úrslit dagsins.
Aðrir leikir
Suður-Kórea 1 - 1 Serbía
Kína 0 - 4 Kólumbía
Argentína 2 - 4 Nígería
Rússland 3 - 3 Spánn
Rúmenía 0 - 3 Holland
Ungverjaland 1 - 0 Kosta Ríka
Belgía 1 - 0 Japan
Þýskaland 2 - 2 Frakkland
Austurríki 2 - 1 Úrúgvæ
Wales 1 - 1 Panama
Athugasemdir