Edinson Cavani komst ekki í sameiginlegt lið Real Madrid og PSG sem Goal valdi. Liðin mætast í Madríd á morgun í fyrri viðureign sinni í 16-liða úrslitum Meistaradeildarinnar.
KEYLOR NAVAS | Markvörður - Ekki best mannaða staðan hjá liðunum en Navas fær kallið.
DANI ALVES | Hægri bakvörður - Dani Carvajal er frábær leikmaður en hefur ekki náð að sýna sitt besta á þessu tímabili og Alves er valinn.
THIAGO SILVA | Miðvörður - Hefur verið óheppinn með meiðsli en þegar hann er heill eru fáir betri.
SERGIO RAMOS | Miðvörður - Fæddur leiðtogi og sigurvegari.
MARCELO | Vinstri bakvörður - Það efast enginn um gæði Brasilíumannsins.
ANGEL DI MARIA | Vinstri miðjumaður - Fyrrum miðjumaður Real Madrid býr yfir gríðarlegum sköpunarmætti.
TONI KROOS | Miðjumaður - Fyrsta nafnið á blað þegar kom að því að velja á miðjuna.
LUKA MODRIC | Hægri miðjumaður - Sér til þess að Marco Verratti og Adrien Rabiot fá ekkert pláss.
GARETH BALE | Hægri vængur - Bale er valinn af Goal frekar en Mbappe. Sá velski er geggjaður þegar hann er upp á sitt besta en sífelld meiðsli hafa hindrað hann.
NEYMAR | Vinstri vængur - Sá næsti fyrir utan Messi og Ronaldo sem hlýtur gullknöttinn?
CRISTIANO RONALDO | Sóknarmaður - Verið skugginn af sjálfum sér í La Liga en í Meistaradeildinni er allt í blóma. Ronaldo er í úrvalsliðinu en er settur sem fremsti maður.
Athugasemdir
