Manchester United er úr leik í Meistaradeildinni 2018. Liðið tapaði í kvöld á heimavelli sínum gegn spænska liðinu Sevilla.

Eftir markalaust jafntefli í fyrri leiknum þurfti United að vinna í kvöld en liðið ætlaði sér einhvern veginn aldrei að gera það, að minnsta kosti var spilamennskan ekki til marks um það.

Fyrri hálfleikurinn var rólegur og markalaus en þegar 72 mínútur voru búnar var framherjanum Wissam Ben Yedder skipt inn á fyrir Sevilla. Hann átti eftir að láta til sín taka og gerði það aðeins tveimur mínútum eftir að hann kom inn á er hann skoraði fyrsta markið.

Staðan versnað töluvert fyrir United nokkrum mínútum síðar þegar Ben Yedder bætti við öðru marki sínu.

Þá loksins vaknaði United og gerði eitthvað, Romelu Lukaku minnkaði muninn en meira var það ekki.