þri 13. mars 2018 23:38
Guðmundur Aðalsteinn Ásgeirsson
Bjarni Guðjóns: Betra en að fá aftur þessa martröð hjá United
Bjarni Guðjónsson.
Bjarni Guðjónsson.
Mynd: Fótbolti.net - Hafliði Breiðfjörð
Manchester United féll úr leik í 16-liða úrslitum Meistaradeildarinnar gegn Sevilla eins og vel hefur verið fjallað um í kvöld.

Í Meistaradeildarmörkunum á Stöð 2 Sport var leikjum kvöldsins gerð góð skil. Farið var yfir leik Man Utd og Sevilla en Sevilla fór sanngjarnt áfram úr þeirri viðureign.

Bjarni Guðjónsson, aðstoðarþjálfari KR. var sérfræðingur í kringum leikina ásamt Reyni Leóssyni.

Bjarni fór ófögrum orðum um Man Utd þegar þættinum var að ljúka.

Aðspurður að því hvort það hefði verið safaríkara að hafa United áfram í 8-liða úrslitunum sagði Bjarni:

„Það verður skemmtilegra að horfa á Sevilla í næstu umferð heldur en að fá aftur þessa martröð sem United er að bjóða upp á."
Athugasemdir
banner
banner
banner