Milan eyddi miklum pening á leikmannamarkaðinum síðasta sumar en gengi liðsins endurspeglaðist ekki í kaupunum og er liðið í Evrópudeildarbaráttu, með fjögur stig úr síðustu fimm leikjum.

„Ég mun þurfa að kaupa félagið til baka, þetta gengur ekki svona," sagði Berlusconi, sem er í framboði fyrir Forza Italia stjórnmálaflokkinn á Ítalíu.

„Ég er oft stöðvaður úti á götu og spurður hvers vegna ég seldi félagið og er mér oft kennt um slæma stöðu félagsins. Ef þetta heldur svona áfram þá neyðist ég til að kaupa Milan aftur."

Milan mun eiga í heljarinnar vandræðum með að standast háttvísisreglur UEFA í fjármálum og skuldar félagið auk þess mikinn pening eftir slakt tímabil.