Arsenal ætlar að ræða við Thierry Henry í næstu viku og skoða áhuga hans á að taka við stjórastöðunni hjá félaginu.

Arsenal er að leita að eftirmanni Arsene Wenger sem er hættur eftir 22 ára starf.

Mikel Arteta, aðstoðarstjóri Manchester City og fyrrum leikmaður Arsenal, er efstur á óskalista félagsins en hann fundaði með forráðamönnum Arsenal í dag.

Arsenal ætlar þó einnig að ræða við fleiri aðila og í næstu viku er stefnt á að funda með Henry.