Gianluigi Buffon er fertugur.
Markvörðurinn magnaði Gianluigi Buffon hefur staðfest að hann spili sinn síðasta leik með Juventus gegn Hellas Verona í lokaumferð Serie A á laugardaginn.
Hinn fertugi Buffon hefur verið í 17 ár hjá Juventus en hann varð dýrasti markvörðurinn í sögunni þegar félagið keypti hann frá Parma á 32,6 milljónir punda árið 2001.
Hinn fertugi Buffon hefur verið í 17 ár hjá Juventus en hann varð dýrasti markvörðurinn í sögunni þegar félagið keypti hann frá Parma á 32,6 milljónir punda árið 2001.
Buffon er á förum frá Juventus en hann útilokar það ekki að halda áfram fótboltaiðkun. Hann kveðst vera með spennandi tilboð í höndunum.
„Þar til fyrir 15 dögum var reiknað með að ég myndi hætta að spila. Núna hef ég fengið spennandi tilboð og fyrirspurnir um störf bæði innan og utan vallar," sagði Buffon á fréttamannafundi í dag.
Samkvæmt frönsku fjölmiðlunum Canal + og Le Parisien er Paris Saint-Germain eitt þeirra félaga sem hefur áhuga á Buffon. Parísarliðið hefur sent markverðinum tveggja ára samningstilboð.
Buffon á eftir að vinna Meistaradeildina. Fær hann annað tækifæri til þess í París?
Gigi Buffon could be looking to link up with Neymar in Paris… 👀 pic.twitter.com/t7JXA3FHrY
— B/R Football (@brfootball) May 17, 2018
Athugasemdir
