Stjarnan sótti þrjá mikilvæga punkta norður á Akureyri í dag þegar þeir lögðu KA 2-1 í hörku leik. Guðjón Baldvinsson leikmaður Stjörnunnar var gífurlega sáttur með þrjú stig í leik þar sem þeir voru ekki betri aðilinn.
Lestu um leikinn: KA 1 - 2 Stjarnan
„Þetta voru erfiðar aðstæður, þetta var gífurlega sterkur sigur fyrir okkur þar sem við sýndum að við getum verið lakari en samt kreist fram sigur."
Guðjón lagði upp fyrra markið og fékk svo vítið sem tryggði sigurinn, hann kveðst vera farinn að stefna að stoðsendingakóngnum þar sem Hilmar Árni er búinn að stinga af í markaskorun.
„Ég held ég sé bara farinn að stefna á stoðsendingakónginn frekar en markakónginn, ég held að það sé búið í ár þar sem Hilmar Árni er búinn að taka það."
Guðjón fékk víti sem tryggði sigurinn, hann sagði að þetta hefði verið hárréttur dómur.
„Klárlega réttur dómur, ég tek boltann með hægri og hann fer í vinstri fótinn og festir mig og fellir mig, pjúra víti."
Athugasemdir