Rúnar Kristinsson þjálfari KR
„Ég er gríðarlega sáttur með byrjunina af því að við náttúrulega urðum fyrir ákveðnu áfalli í síðasta leik en við vissum það innst inni að við spiluðum frábæran leik á móti FH á móti frábæru liði og við þurftum að hafa jafn mikið fyrir hlutunum í dag," sagði Rúnar Kristinsson eftir sigur á Keflavík.
Lestu um leikinn: Keflavík 0 - 4 KR
KR hóf leikinn á mikilli hápressu sem skilaði tveimur mörkum strax í upphafi og spurði fréttaritari Rúnar hvort það hafi verið uppleggið að pressa Keflavík hátt á vellinum?
„Já við vildum allavega ekki gefa þeim einhver tækifæri á að vera byggja upp mikið spil og aðeins að reyna að hægja á þeim og setja pressu á þá og reyna vera með boltann ofar á vellinum eins og gerðist síðan og það gekk vel.“
André Bjerregaard einn markaskorara KR í leiknum meiddist um miðbið fyrri hálfleiks og þurfti að yfrgefa völlinn. Vissi Rúnar eitthvað nánar um það rétt eftir leikslok?
„Nei hann fékk bara högg snemma leiks í hnésbótina og það er ekki alvarlegt held ég hann verður orðinn fínn eftir einhverja daga sem betur fer kemur einhver pása núna og hann ætti að ná sér fyrir næsta leik sama og með Kennie Chopart sem var meiddur í dag og gat ekki verið með.“
Nánar er rætt við Rúnar í spilaranum að ofan.
Athugasemdir
