B-riðill
Það virðist ekkert geta stöðvað Reyni Sandgerði í B-riðlinum, sérstaklega þegar Magnús Þórir Matthíasson er sjóðheitur. Magnús Þórir er með reynslu úr Pepsi-deildinni með Keflavík og Fylki, en hann var að skora þrennu í 5-1 sigri Reynis á Mídasi í kvöld. Reynir er með fullt hús stiga, 24 stig á meðan Mídas er aðeins með sjö stig í sjötta sæti riðilsins.

Í hinum leiknum sem fór fram í riðlinum sótti Hvíti riddarinn sinn þriðja sigur í sumar. Þeir unnu 2-0 gegn SR, sem er með átta stig - Hvíti riddarinn er með 10 stig.

Reynir er með örugga forystu á toppi riðilsins.

Mídas 1 - 5 Reynir S.
0-1 Magnús Þórir Matthíasson ('29)
0-2 Magnús Þórir Matthíasson ('39)
1-2 Guðmundur Arnar Sigurðsson ('43)
1-3 Magnús Þórir Matthíasson ('45)
1-4 Sindri Lars Ómarsson ('58)
1-5 Garðar Sigurðsson ('68)

SR 0 - 2 Hvíti riddarinn
0-1 Ísak Máni Viðarsson ('13)
0-2 Ísak Máni Viðarsson ('37)

C-riðill
Í C-riðli er Álftanes komið á topinn með 4-1 sigri gegn botnliði riðilsins, Ísbirninum. Álftanes komst í 4-0 í fyrri hálfleiknum, en það slokknaði aðeins á liðinu í seinni hálfleik. Álftanes er með 19 stig, eins og KFS en næst koma Árborg og GG.

GG sigraði Álafoss 2-0 í kvöld þar sem Jón Unnar Viktorsson skoraði bæði mörkin. Álafoss er með 10 stig en GG 15 stig.

Ísbjörninn 1 - 4 Álftanes
0-1 Guðbjörn Alexander Sæmundsson ('2)
0-2 Fannar Óli Friðleifsson ('33)
0-3 Zachary I Klindworth ('34)
0-4 Bragi Þór Kristinsson ('42)
1-4 Sjálfsmark ('90)

GG 2 - 0 Álafoss
1-0 Jón Unnar Viktorsson ('8)
2-0 Jón Unnar Viktorsson ('22)