Lovren hefur fengið hrós frá Klopp.
Dejan Lovren hefur oft verið gagnrýndur fyrir mistök sín í vörn Liverpool en leikmaðurinn hefur hinsvegar verið frábær fyrir landslið Króatíu á heimsmeistaramótinu hingað til.
Jurgen Klopp, knattspyrnustjóri Liverpool hefur nú lofsamað frammistöðu leikmannsins. Ummæli Klopp koma í kjölfar þess að Lovren steig fram og sagði að hann ætti að vera nefndur sem einn af bestu varnarmönnum heims þar sem honum hefur tekist að komast í úrslitaleik meistaradeildarinnar og heimsmeistaramótsins á sama árinu.
„Fólk gagnrýnir oft annað fólk frekar snemma. Síðan ég kom hefur Dejan gert þrjú eða fjögur mistök, tvö af þeim í Tottenham leiknum en það er klárt að þau eru ekki 15 eða 20,” sagði Klopp.
„90% af tímanum hefur hann spilað frábærlega, 95% algjörlega allt í lagi og 5% hafa kannski ekki verið hans bestu. En þú finnur þessi vandamál hjá næstum því öllum leikmönnum í heiminum. Hann hefur spilað frábærlega á mótinu hingað til. Ég er mjög ánægður fyrir hans hönd. Landið er lítið en leikmennirnir eru stórir. Það sem þeir eru að gera er magnað.”
2 - Dejan Lovren is set to become only the second player to play in the Champions League final for an English club, and the World Cup final in the same year (after Thierry Henry in 2006). Defence. #CRO #WorldCup pic.twitter.com/669KQq47se
— OptaJoe (@OptaJoe) July 12, 2018
Athugasemdir
