Svisslendingurinn Xherdan Shaqiri er orðinn leikmaður Liverpool. Þetta fékkst staðfest rétt í þessu.
Shaqiri gekkst undir læknisskoðun hjá Liverpool í dag eftir að félagið virkjaði 13,5 milljón punda riftunarverð í samningi hans hjá Stoke.
Shaqiri gekkst undir læknisskoðun hjá Liverpool í dag eftir að félagið virkjaði 13,5 milljón punda riftunarverð í samningi hans hjá Stoke.
Svissneski landsliðsmaðurinn kom til Stoke árið 2015 eftir að hafa áður leikið með Inter og Bayern Munchen.
Á síðasta tímabili skoraði Shaqiri átta mörk í 38 leikjum þegar Stoke féll. Eftir tímabilið gerði Shaqiri grein fyrir því að hann myndi ekki spila í Championship-deildinni.
Shaqiri hefur tiltölulega nýlokið þáttöku á HM með Sviss og sýndi Liverpool fljót vinnubrögð í að næla í hann.
Xhaqiri er þriðji leikmaðurinn sem Liverpool fær í sumar á eftir miðjumönnunum Fabinho og Naby Keita.
Shaqiri er væntanlega ætlað að veita Mohamed Salah, Sadio Mane og Roberto Firmino samkeppni.
😉#XS23 pic.twitter.com/HhnFVBAoJy
— Liverpool FC (@LFC) July 13, 2018
Athugasemdir