Fylkir fór illa með Sindra þegar liðin mættust í 2. deild kvenna í kvöld.

Sindri, sem er á botni deildarinnar, átti aldrei möguleika gegn Fylki en það var Bryndís Arna Níelsdóttir - selpa fædd 2003, sem stal senunni í Árbænum í kvöld.

Bryndís Arna gerði fimm af mörkum Fylkis en leikar enduðu 8-0 fyrir Árbæjarliðið.

Margrét Björg Ástvaldsdóttir kom Fylki yfir á áttundu mínútu og svo bætti Bryndís Arna við tveimur mörkum áður en Margrét gerði fjórða markið fyrir hlé. Í seinni hálfleiknum gerði Bryndís Arna þrjú til viðbótar og Hulda Sigurðardóttir rak síðasta smiðshöggið.

Hvað þýða þessi úrslit?
Fylkir er í öðru sæti deildarinnar með 18 stig, fjórum stigum á eftir toppliði Keflavíkur. Fylkir á leik til góða á Keflavík. Sindri er á botni deildarinnar með eitt stig úr sjö leikjum.

Þessi 15 ára litla systir og snillingur var að skora 5 mörk í sínum fyrsta mfl byrjunarliðsleik í deildinni! Til lukku Bryndís pic.twitter.com/Mei0HeRgSS

— Tómas Joð Þorsteinsson (@tomasjod) July 13, 2018