Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
   sun 15. júlí 2018 18:40
Guðmundur Aðalsteinn Ásgeirsson
Kiddi Jak: Mjög sérstakt að hann skyldi dæma víti
Kristinn Jakobsson.
Kristinn Jakobsson.
Mynd: Fótbolti.net - Hafliði Breiðfjörð
Kristinn Jakobsson, formaður dómaranefndar KSÍ og einn besti dómari sem Ísland hefur átt, segir að argentíska dómaranum Nestor Pitana hafi skjátlast þegar hann dæmdi vítaspyrnu fyrir Frakkland gegn Króatíu í úrslitaleik HM áðan.

Í stöðunni 1-1 fékk Ivan Perisic, leikmaður Króatíu, boltann í höndina innan teigs og eftir að hafa skoðað atvikið á myndbandi dæmdi Pitana vítaspyrnu.

Antoine Griezmann skoraði úr vítaspyrnu af öryggi og kom Frakklandi í 2-1. Frakkland vann leikinn 4-2, en þessi vítaspyrnudómur breytti leiknum mikið.

Kristinn hefði ekki dæmt vítaspyrnu.

„Höndin á honum var í eðlilegri líkamsstöðu. Hann fær boltann í höndina af mjög stuttu færi og það er mjög erfitt fyrir hann að færa höndina frá," sagði Kristinn við Fótbolta.net.

„Að mínu mati átti hann að leyfa leiknum að halda áfram."

„Mér fannst mjög sérstakt að hann skyldi dæma á þetta eftir að hafa notað VAR (myndbandsdómara)."

Mark Clattenburg var einnig á því máli að dómurinn hefði verið rangur en skiptar skoðanir hafa verið á honum.

Smelltu hér til að sjá myndband af vítaspyrnudómnum.
Athugasemdir
banner
banner
banner
banner