banner
   mán 16. júlí 2018 15:30
Ívan Guðjón Baldursson
Daley Blind kynntur sem leikmaður Ajax á næstunni
Mynd: Getty Images
Hollenski varnarmaðurinn Daley Blind er á leið aftur til Ajax eftir fjögur ár hjá Manchester United.

Blind er 28 ára gamall, uppalinn hjá Ajax og á 54 A-landsleiki að baki fyrir Holland auk 57 leikja fyrir yngri landsliðin.

Blind er fjölhæfur og getur leikið sem vinstri bakvörður, miðvörður eða djúpur miðjumaður.

Rauðu djöflarnir keyptu Blind á 13.8 milljónir punda fyrir fjórum árum. Samkvæmt enskum fjölmiðlum greiðir Ajax 14 milljónir með möguleika á 4.5 milljónum í bónusgreiðslur.

Blind er þegar mættur til Amsterdam og snæddi hádegisverð með leikmönnum Ajax. Hann er ekki partur af leikmannahópi Manchester United sem verður í æfingaferð um Bandaríkin næstu vikur.

Blind kom við sögu í 144 leikjum á fjórum árum en fékk aðeins að byrja fjóra deildarleiki undir stjórn Jose Mourinho á síðasta tímabili.
Athugasemdir
banner