Börkur Edvardsson, formaður meistaraflokksráðs Vals, er að sjálfsögðu staddur í Noregi þar sem hans menn eru að búa sig undir seinni viðureign sína gegn Rosenborg í forkeppni Meistaradeildarinnar.
Valur leiðir einvígið 1-0 eftir sigur á Hliðarenda og Börkur var brattur þegar Fótbolti.net spjallaði við hann í dag.
Valur leiðir einvígið 1-0 eftir sigur á Hliðarenda og Börkur var brattur þegar Fótbolti.net spjallaði við hann í dag.
„Það er ekki hægt að kvarta yfir aðstæðum. Sólin skín og það er eitthvað sem við erum ekki vanir þetta sumarið. Aðstæður eru fínar og allt til fyrirmyndar. Við erum fullir tilhlökkunar," segir Börkur.
„Ég hef aldrei komið til Þrándheims áður og þetta virkar mjög flott."
Það var kraftur í leikmönnum Vals á æfingu í dag þó um ferðadag hafi verið að ræða.
„Strákarnir eru ferskir og fínir. Þetta var ekki mjög langt ferðalag, þrír tímar frá Reykjavíkurflugvelli. Vonandi erum við að sjá það sem koma skal á miðvikudaginn."
„Þetta Rosenborgarlið er risastórt félag á skandinavískan mælikvarða, er í hópi þriggja stærstu með Malmö og FCK. Þetta er rosalegt verkefni sem við erum í en við leiðum 1-0 eftir fyrri hálfleikinn og það getur allt gerst í fótbolta. Það þurfa allir í liðinu að eiga toppleik svo við eigum möguleika."
Viðtalið má sjá í heild sinni í sjónvarpinu hér að ofan.
Athugasemdir