Heimild: FourFourTwo
Cazorla var lengi frá en það var hamingjustund í dag þegar hann spilaði loks fótboltaleik í fyrsta sinn síðan í október 2016.
Santi Cazorla fyrrverandi leikmaður Arsenal hefur loksins náð bata af meiðslum sínum sem hafa haldið honum frá keppni síðustu tvö árin.
Hann gekk í raðir Villarreal í sumar í von um að komast af stað í fótboltanum að nýju eftir erfið meiðsli á hásin.
Það var því stór stund í gærkvöldi þegar hann kom inná á 67. mínútu í æfingaleik gegn Hercules í sínum fyrsta leik í 636 daga.
Síðan þá hefur þessi 33 ára gamli leikmaður farið í 10 aðgerðir og var sagt í fyrrahaust að hann væri heppinn ef hann gæti gengið með syni sínum í garðinum.
Hann hélt samt ótrauður áfram og dugnaðurinn er loks að skila sér núna þegar hann hefur loks náð að spila leik að nýju. Fólkið í stúkunni stóð upp og klappaði honum lof í lófa þegar hann hljóp inn á völlinn og spilaði í 23 mínútur eins og sést í myndbandinu að neðan.
Athugasemdir