fim 19. júlí 2018 12:50
Ívan Guðjón Baldursson
Sæþór aftur í Völsung (Staðfest)
Sæþór kom við sögu í sex leikjum KA á tímabilinu. Fjórir í Pepsi-deildinni og tveir í Mjólkurbikarnum.
Sæþór kom við sögu í sex leikjum KA á tímabilinu. Fjórir í Pepsi-deildinni og tveir í Mjólkurbikarnum.
Mynd: Fótbolti.net - Tomasz Kolodziejski
KA staðfesti rétt í þessu félagaskipti Sæþórs Olgeirssonar til Völsungs. Hann verður á láni þar út sumarið.

Sæþór er tvítugur sóknarmaður KA sem sprakk út með Völsungi í 2. deildinni síðasta sumar.

Sæþór gerði 23 mörk í 21 leik en það nægði ekki til að koma Húsvíkingum upp um deild, þar sem þeir enduðu í sjöunda sæti, níu stigum frá því að komast upp um deild.

Þetta sumarið er Völsungur í toppbaráttu í 2. deild og yrði aðstoð frá Sæþóri afar kærkomin. Taplaust lið Aftureldingar vermir toppsætið og kemur Kári þar á eftir. Völsungur er í þriðja sæti, fjórum stigum frá toppnum.




Athugasemdir
banner