Lestu um leikinn: Magni 0 -  1 HK

Palli var ánægður með spilamennskuna.

„Við vorum að spila á móti taplausu liði í efsta sæti og ég held að allir hafi séð að þetta var hörkuleikur. Hlutirnir eru ekki að falla með okkur. Við verðum bara að halda áfram, það er ekkert annað í boði. Það er annað hvort að leggjast niður og grenja eða spýta í lófana."

Magni fékk nokkra góða sénsa til að jafna leikinn.

„Við áttum klárlega færi á því að koma boltanum inn en þetta er svolítið stöngin út hjá okkur. Það þýðir ekkert að leggjast niður og væla yfir því það er bara áfram gakk. Við fáum á okkur ódýrt mark að mínu viti, mark sem skilur að í dag og þess vegna erum við the bad boys og þeir hetjurnar." 

Liðið er á botni deildarinnar með 6 stig.

„Okkur hlakkar alltaf til að fara að spila en auðvitað er þungt að vera ekki með fleiri stig og fá ekki meira út úr þessum leikjum. Vissulega einhverjir leikir sem við áttum ekkert skilið úr en ég held að Magni þurfi ekki að skammast sín yfir frammistöðunni í flestum leikjunum. Magni er með hörkulið og hörku mannskap þannig ég ætla ekki að grenja yfir því. Ef það er hægt að skamma einhvern þá er það bara mig." 

Magni fær Hauka í heimsókn í næsta leik. 

„Við leggjum allt í þetta og reynum að forðast að fá á okkur mörk sem skilja að. Það fækkar alltaf leikjunum en ég vona að það sé enginn hér á Grenivík sem er að gefast upp."
Hægt er að sjá viðtalið í heild sinni í sjónvarpinu hér að ofan.