Lestu um leikinn: Valur 4 -  1 Víkingur R.

„Frábært að fá stigin hérna það var það sem við stefndum að, vinna leikinn og það var svona. Byrjuðum leikinn grimmt og komum marki á þá snemma eins og við ætluðum okkur og vorum svona með "control" á leiknum fannst mér," sagði Ólafur Jóhannesson, þjálfari Vals, eftir sigurinn í dag.

Þó að sigur Valsmanna hafi síst verið of stór hafði fréttaritari samt sem áður á tilfinningunni að Valsmenn ættu meira inni ef eitthvað væri. Var þreyta í þeim?

„Það gæti verið, það var svona doði yfir okkur á tímabili en svona heilt yfir var þetta fínt hjá okkur og vel gert.“

Sebastian Starke Hedlund, sem gekk til liðs við Val fyrir skömmu, byrjaði sinn fyrsta leik fyrir Val í fjarveru Eiðs Arons í vörn heimamanna. Hvernig mat Óli frumraun hans og er von á fleiri leikmönnum til Vals?

„Mjög sáttur við hann, hann spilaði vel. En við erum ekki að ná í fleiri leikmenn - ekki eins og staðan er núna en ef það kemur eitthvað upp í hendurnar á okkur þá skoðum við það.“

Viðtalið í heild sinni er hérna að ofan.