„Ég er mjög sáttur við leikinn. Við spiluðum agaðan varnarleik og gáfum enginn færi á okkur. Svo refsuðum við grimmt. Þetta var mjög mikilvægt fyrir okkur að ná þremur sigrum í röð.," sagði Ásgeir Sigurgeirsson leikmaður KA eftir 5-1 sigur á Fylki í dag.
Lestu um leikinn: KA 5 - 1 Fylkir
Spilamennskan hefur verið batnandi hjá KA, þeir hafa unnið þrjá leiki í röð eftir brösulega byrjun.
„Við höfum verið skipulagðari í síðustu leikjum eins og í fyrra, þá kemur hitt með. Við skorum alltaf mörk."
Yfirleitt spilar Ásgeir á kantinum eða í holinu en hefur verið fremstur í síðustu leikjum.
„Mér finnst það mjög gaman, þetta er uppáhalds staðan mín. En ef ég er í liðinu þá er ég sáttur."
Ásgeir er kominn með 9 mörk í deildinni og er næst markahæstur en hann setti þrennu í dag.
„Auðvitað set ég stefnuna á gullskóinn. Maður setur alltaf markið hátt, við tökum bara næsta leik og sjáum svo til."
KA á leik gegn ÍBV næst í deildinni.
„Við erum bara að fara til eyja og taka 3 stig þar og svo sjáum við til. Við kannski setjum okkur ný markmið."
Hægt er að horfa á viðtalið í heild sinni í sjónvarpinu hér að ofan.
Athugasemdir
