fös 10. ágúst 2018 16:00
Elvar Geir Magnússon
Rui Patricio númer 11 í markinu
Vel gert hjá þeim portúgalska!
Vel gert hjá þeim portúgalska!
Mynd: Getty Images
Rui Patricio, nýr markvörður Wolves, verður númer 11 í rammanum á þessu tímabili.

Það er til að sýna Carl Ikeme, fyrrum markverði félagsins, virðingu.

Ikeme, sem er 32 ára, greindist með krabbamein í fyrra og tilkynnti í sumar að hann væri hættur fótboltaiðkun að læknisráði.

Patricio bað um að vera númer 11 og verður treyja númer 1 ekki notuð hjá félaginu á komandi tímabili.

Ikeme heimsækir æfingasvæði Wolves reglulega og félagið hefur sagt vera opið fyrir hann í eitthvað starf í framtíðinni, þegar hann er tilbúinn. Ikeme var 18 ár hjá félaginu.

Wolves er nýliði í ensku úrvalsdeildinni og mætir Everton í fyrstu umferðinni á morgun.


Athugasemdir
banner
banner
banner