Pep Guardiola, stjóri Manchester City, hefur staðfest að Douglas Luiz fékk ekki atvinnuleyfi.
Guardiola hafði hugsað sér að nota þennan tvítuga leikmann sem varamann fyrir Fernandinho ef miðjumaðurinn þyrfti hvíld á miðju tímabili.
Guardiola hafði hugsað sér að nota þennan tvítuga leikmann sem varamann fyrir Fernandinho ef miðjumaðurinn þyrfti hvíld á miðju tímabili.
Guardiola staðfesti í dag að Douglas Luiz mætti ekki spila fyrir liðið og yrði líklega lánaður aftur til Girona.
„Ég á erfitt með að skilja þetta. Einhvar gaur sem horfir ekki á æfingar sér um að ákveða hvort Douglas hafi hæfileika og gæði til að fá atvinnuleyfi," segir Guardiola en Douglas Luiz hefur spilað fyrir City á undirbúningstímabilinu.
Þá er Guardiola pirraður yfir því að City var tilkynnt það í gær að Douglas Luiz fengi ekki atvinnuleyfi, rétt fyrir lok gluggans.
„Ef við hefðum fengið að vita þetta fyrir 15 dögum hefðum við kannski getað fundið mann í staðinn"
Manchester City mætir Arsenal í fyrstu umferð ensku úrvalsdeildarinnar á sunnudaginn. Guardiola staðfesti í dag að Kevin De Bruyne og Raheem Sterling verði í hópnum en þeir komu báðir til baka úr sumarfríi sínu eftir HM síðasta mánudag.
Athugasemdir