Fyrsti leikur tímabilsins í frönsku úrvalsdeildinni fór fram í gærkvöldi og léku þá Marseille og Toulouse.

Leikið var á heimavelli Marseille og komust heimamenn í 1-0 í lok fyrri hálfleiks. Það var Dimitri Payet sem skoraði markið úr víti.

Payet skoraði annað mark rúmum stundarfjórðungi eftir að flautað var til leiks í seinni hálfleik.

Valere Germain skoraði þriðja mark heimamanna á 89. mínútu og Florian Thauvin skoraði fjórða og síðasta mark heimamanna og leiksins í uppbótartíma.

Marseille byrjar því tímabilið afskaplega vel.