Tottenham hafði betur gegn Newcastle í dag, 1-2 í fyrsta leik dagsins í ensku úrvalsdeildinni.
Rafael Benítez knattpspyrnustjóri Newcastle var ánægður með spilamennsku sinna manna í dag og fannst þeir hafa átt að minnsta kosti jafntefli skilið.
„Við áttum að minnsta kosti skilið jafntefli, við börðumst allan leikinn og sköpuðum okkur góð færi, sérstaklega í seinni hálfleik.“
„Maður fann það á stuðningsmönnunum að þeir hefðu trú á því að við gætum jafnað. Ég sá margt jákvætt í okkar leik, við gerðum auðvitað nokkur mistök og Tottenham nýtti sér þau. Við gáfumst aldrei upp,“ sagði Benítez.
Newcastle mætir Cardiff í 2. umferð ensku úrvalsdeildinnar í hádeginu á laugardaginn.
Athugasemdir