Maurizio Sarri, stjóri Chelsea, er keðjureykingamaður og glöggir áhorfendur á leiknum gegn Huddersfield tóku eftir því að hann var að tyggja sígarettu við hliðarlínuna.
Maurizio Sarri chewing a cigarette on the bench because you can't smoke in English football grounds. 😂 😂 😂 pic.twitter.com/o4chAGbihK
— Football Factly (@FootballFactly) August 11, 2018
Á leikvöngum Englands er reykingabann en þessi 59 ára stjóri fann aðra leið til að mæta þörfinni án þess að kveikja í rettu.
Fyrr á þessu ári komst það í fréttirnar þegar þýska félagið RB Leipzig setti upp sérstakt reykrými á leikvangi sínum til að taka á móti Sarri.
Fyrsti leikur Sarri með Chelsea í ensku úrvalsdeildinni fór vel. 3-0 útisigur.
„Ég er hæstánægður því ég held að það verði ekki auðvelt fyrir okkur að landa stigum á fyrsta hluta mótsins," sagði Sarri eftir leik í dag.
„Fyrri hálfleikur var erfiður. Ef þú horfir bara á tölurnar heldur þú að leikurinn hafi verið auðveldur en við áttum erfiðan 15 mínútna kafla í fyrri hálfleik, gegn mjög líkamlega sterkum andstæðingum."
Athugasemdir