Markvörðurinn Rúnar Alex Rúnarsson var í byrjunarliði Dijon í kvöld þegar þeir heimsóttu Montpellier í fyrstu umferð frönsku úrvalsdeildarinnar.

Heimamenn komust yfir strax á 5. mínútu og staðan orðin 1-0 fyrir Montpellier og þannig var staðan þegar flautað var til loka fyrri hálfleiks.

Julio Tavares jafnaði fyrir Dijon í upphafi seinni hálfleiks, staðan orðin 1-1 og þannig var staðan þar til á 90. mínútu þegar Senou Coulibaly skoraði sigurmark Dijon.

Niðurstaðan er því sú að Rúnar Alex og félagar hans í Dijon byrja tímabilið á sigri.