Kristján Flóki var í sigurliði.
Það var leikið í Svíþjóð í dag, bæði í efstu deild og næst efstu deild og þar komu Íslendingar við sögu.
Kristján Flóki Finnbogason lék allan leikinn þegar lið hans Brommapojkarna heimsótti Örebro þar sem gestirnir sigruðu 0-1 en Eric Johana Omondi skoraði sigurmarkið. Brommapojkarna er í 14. sæti sænsku úrvalsdeildinnar.
Tryggvi Hrafn Haraldsson var í byrjunarliði Halmstad sem tapaði á heimavelli, 1-2 fyrir Gefle í dag. Höskuldur Gunnlaugsson leikur einnig með Halmstad en hann kom inná 78. mínútu fyrir Tryggva. Halmstad situr í fjórða sæti 1. deildar.
Athugasemdir
