Bakayoko, sem verður 24 ára í vikunni, var keyptur til Chelsea síðasta sumar fyrir 40 milljónir punda.

Hann náði ekki að festa sig í sessi í byrjunarliðinu og þótti ekki standa sig neitt sérlega vel þrátt fyrir að vera með í 43 leikjum á tímabilinu, 29 þeirra í deildinni.

Milan borgar 5 milljónir evra til að fá Bakayoko á lánssamning út tímabilið. Í samningnum er kaupréttur sem gerir ítalska félaginu kleift að klófesta leikmanninn fyrir 35 milljónir til viðbótar.

Bakayoko hefur spilað einn A-landsleik fyrir Frakkland og var ekki í leikmannahópnum sem vann til gullverðlauna á heimsmeistaramótinu í Rússlandi.