Brasilíska knattspyrnugoðsögnin Ronaldo endaði á gjörgæsludeild á einkaspítala á Ibiza samkvæmt enskum og spænskum fjölmiðlum.
Honum leið mjög illa á föstudaginn og var keyrður á spítala þar sem hann var greindur með lungnabólgu.
Eftir greininguna bað Ronaldo um að vera færður yfir á einkaspítala á eyjunni, þar sem hann er á góðri bataleið þrátt fyrir að vera enn í gjörgæslu.
Starfsfólk einkaspítalans neitar að tjá sig um málið í skjóli persónuverndarlaga en búist er við að hinn 41 árs gamli Ronaldo nái sér aftur að fullu.
Ronaldo á hús á Ibiza og heimsækir eyjuna reglulega. Hann fór þangað í sumarfrí fyrir viku síðan.
Just seen the news... hope your ok legend @Ronaldo get well soon!! 🙏🏽⚽️ #R9 pic.twitter.com/TOLWgcPleh
— Rio Ferdinand (@rioferdy5) August 12, 2018
Athugasemdir