Rúrik Gíslason byrjaði í framlínu Sandhausen er liðið fékk Hamburger SV í heimsókn í þýsku B-deildinni.

Leikurinn var nokkuð jafn en gæðamunur liðanna fyrir framan markið var augljós.

Heimamenn klúðruðu mörgum færum á meðan gestirnir nýttu sín vel og unnu að lokum 3-0.

Rúrik lék fyrstu 75 mínúturnar rétt eins og gegn Greuther Furth í fyrstu umferð, en Sandhausen fékk einnig þrjú mörk á sig í þeim leik og situr því stigalaust á botni deildarinnar eftir tvær umferðir.