Gunnar Heiðar skoraði sigurmarkið í bikarúrslitaleiknum fyrir ári síðan. Hann var aftur á skotskónum í dag.
FH 0 - 2 ÍBV
0-1 Gunnar Heiðar Þorvaldsson ('38 )
0-2 Gunnar Heiðar Þorvaldsson ('45 , víti)
Lestu nánar um leikinn
0-1 Gunnar Heiðar Þorvaldsson ('38 )
0-2 Gunnar Heiðar Þorvaldsson ('45 , víti)
Lestu nánar um leikinn
ÍBV gerði sér lítið fyrir, fór á Kaplakrikavöll og sigraði þar heimamenn í FH. Eyjamenn fara syngjandi kátir heim til Vestmannaeyja með þrjú stig í veganestinu.
Eyjamenn voru ófeimnir í fyrri hálfleiknum og þeir sóttu á FH-inga. Það bar árangur á 38. mínútu þegar reynsluboltinn Gunnar Heiðar Þorvaldsson skoraði.
Undir lok fyrri hálfleiks fékk ÍBV svo víti þegar Ívar Orri, dómari, dæmdi hendi á Robbie Crawford. Gunnar Heiðar skoraði af miklu öryggi á vítapunktinum, 2-0 fyrir ÍBV í hálfleik.
Frammistaða FH var ekki upp á marga fiska í þessum leik og endaði leikurinn 2-0 fyrir ÍBV.
ÍBV líður vel gegn FH á þessum degi
Fyrir nákvæmlega ári síðan vann ÍBV, FH 1-0 í bikarúrslitum. ÍBV líður greinilega vel að mæta FH 12. ágúst.
Smelltu hér til að skoða textalýsingu úr þeim leik.
Hvað þýða þessi úrslit?
ÍBV er í áttunda sæti með 19 stig, fimm stigum frá fallsæti. Tímabilið hefur verið mikil vonbrigði fyrir FH, sem situr í fimmta sæti Pepsi-deildarinnar með 23 stig.
Klukkan 18:00 hefjast þrír leikir í deildinni.
Beinar textalýsingar:
16:00 FH 0 - 2 ÍBV
18:00 KR - Fjölnir
18:00 Fylkir - Stjarnan
18:00 Keflavík - KA
Á þessum degi í fyrra varð ÍBV bikarmeistari eftir 1-0 sigur á FH í úrslitaleik. Sýnist þeim líka vel að spila við FH á þessum degi. #fotboltinet
— Hafliði Breiðfjörð (@haflidib) August 12, 2018
Athugasemdir