„Menn voru að leggja sig þvílíkt fram og loka á Stjörnuna. Þetta var hörkuleikur en því miður fór þetta þeirra megin í dag," sagði Helgi Sigurðsson, þjálfari Fylkis, eftir 2-0 tap gegn Stjörnunni í kvöld.
Lestu um leikinn: Fylkir 0 - 2 Stjarnan
Elís Björnsson fékk rauða spjaldið þegar staðan var markalaus og tuttugu mínútur eftir. Elís tæklaði þá Guðmund Stein Hafsteinsson. Hvað fannst Helga um dóminn?
„Ég gat ekki dæmt um það þar sem ég stóð. Miðað við sem maður heyrir þá gat þetta vippað í báðar áttir. Dómarinn ákvað að gefa rautt og þá þýðir ekkert að væla yfir því lengur."
„Mér fannst fyrra markið sem við fengum á okkur heldur ódýrt. Þeir löbbuðu í gegnum hjarta varnarinnar og það á ekki að gerast hvort sem menn eru tíu eða ellefu inn á. Ég er ósáttur við það en ég er mjög ánægður með vinnuframlag manna. VIð þurfum að halda áfram á þessari braut og þá munum við hala inn nóg af stigum."
Hér að ofan má sjá viðtalið í heild sinni.
Athugasemdir
