Klavan er á síðasta ári samnings síns og vill fá að spila reglulega. Newcastle var sagt áhugasamt um að fá leikmanninn til sín á lokadögum enska félagskiptagluggans en það gekk þó ekki eftir og Newcastle samdi við Federico Fernandez frá Swansea City.

Þó að Klopp liggi ekki beint á að losa sig við leikmanninn sem hefur verið nokkuð stöðugur í þeim 53 leikjum sem hann hefur spilað er líklegt að leikmaðurinn vilji leita annað.

Auk Klavan er líklegt að Simon Mignolet og Divock Origi yfirgefi félagið auk Lazar Markovic sem á aðeins eitt ár eftir af samningi sínum. Þá er framtíð Sheyi Ojo og Marko Grujic ekki kominn á hreint en þeir verða líklega báðir lánaðir.