Everton ætlar sér ekki að áfrýja rauða spjaldinu sem Phil Jagielka fékk í jafnteflisleik liðsins gegn Wolves um helgina.
Fyrirliðinn var sendur beint í sturtu eftir brot á Diogo Jota en dómurinn þótti nokkuð umdeildur. Það er nú komið á hreint að Everton ætlar sér ekki að reyna að breyta spjaldinu og fer Jagielka því í þriggja leikja bann.
Neil Swarbrick, fyrrum dómari í ensku úrvalsdeildinni, sagði í gær að dómurinn hafi verið hárréttur.
Marco Silva verður því án Jagielka í næstu leikjum Everton en Richarlison verður hinsvegar klár þótt hann hafi haltrað af velli um helgina.
Rauða spjaldið var einstaklega slæmt fyrir Gylfa Þór Sigurðsson sem var kippt af velli í kjölfarið. Einstaklega svekkjandi fyrir okkar mann sem verður vonandi ferskur í næsta leik liðsins gegn Southampton á laugardaginn næstkomandi.
Athugasemdir