Virgil van Dijk, varnarmaður Liverpool, hefur hrósað markverðinum Alisson fyrir innkomuna í liðið.
Alisson hélt hreinu í 4-0 sigri Liverpool á West Ham um helgina í fyrsta leik sínum í ensku úrvalsdeildinni en hann kom til Liverpool frá Roma í sumar.
Alisson hélt hreinu í 4-0 sigri Liverpool á West Ham um helgina í fyrsta leik sínum í ensku úrvalsdeildinni en hann kom til Liverpool frá Roma í sumar.
„Við tölum mikið saman. Hann lætur heyra mikið í sér og það hjálpar. Það hjálpar mér og öllum í varnarlínunni," sagði Van Dijk.
„Hann hefur mikil gæði með boltann og hjálpar okkur að spila. Við höfum unnið í þessu allt undirbúningstímabilið og ætlum að halda áfram að byggja ofan á það og æfa. Það er ennþá mikið verk óunnið."
„West Ham var einungis einn leikur. Við getum gert mun betur á ákveðnum augnablikum í leikjum og þetta er bara byrjunin. Við erum að reyna að byggja eitthvað upp."
Athugasemdir