Fótboltasnillingurinn Andrés Iniesta er farinn að leika listir sínar í Japan og skoraði sitt annað mark fyrir Vissel Kobe í dag.

Hann skoraði hrikalega flott mark í 1-1 jafntefli gegn toppliði deildarinnar, Sanfrecce Hiroshima. Það var enginn annar en Lukas Podolski sem gaf á Iniesta.

Markið má sjá hér að neðan en með því að smella hérna má sjá fyrsta mark Iniesta.

Vissel Kobe er í fjórða sæti japönsku deildarinnar en það er ansi langt í liðin fyrir ofan.