Victor í leik gegn Íslandi
Victor Moses, leikmaður Chelsea, hefur tekið ákvörðun um að hætta að spila fyrir nígeríska landsliðið, aðeins 27 ára gamall.
Moses lék sinn fyrsta landsleik 2012 og hefur spilað á tveimur heimsmeistaramótum. Hann lék með Nígeríu á HM í Rússlandi í sumar en liðið var með Íslandi í riðli.
Moses lék sinn fyrsta landsleik 2012 og hefur spilað á tveimur heimsmeistaramótum. Hann lék með Nígeríu á HM í Rússlandi í sumar en liðið var með Íslandi í riðli.
Árið 2013 varð hann Afríkumeistari með Nígeríu og var valinn maður mótsins.
Moses segir að ákvörðun sín sé tekin því hann vilji einbeita sér að fullu að ferli sínum með félagsliði og gefa ungri fjölskyldu sinni meiri tíma. Þá segist hann telja réttan tímapunkt fyrir nýja kynslóð nígerískra fótboltamanna að stíga upp og blómstra.
Moses skoraði 12 mörk í 37 landsleikjum fyrir Nígeríu.
Athugasemdir
