Slavisa Jokanovic, stjóri nýliða Fulham.
Fulham heimsækir Tottenham í ensku úrvalsdeildinni á laugardaginn en Slavisa Jokanovic, stjóri nýliða Fulham, vonast til þess að ágústbölvun Harry Kane, sóknarmanns Spurs, haldi áfram.
Kane er vanur því að raða inn mörkum en hefur þó aldrei tekist að skora í ágústmánuði, ótrúlegt en satt.
„Ég vona að Harry Kane skori ekki sitt fyrsta ágústmark gegn okkur. Hann er klárlega einn besti sóknarmaður Evrópu í dag. Við verðum að vera skipulagðir til að loka á hann og aðra gæðaleikmenn sem Tottenham hefur," sagði Jokanovic sem er spenntur fyrir leiknum.
Kane er vanur því að raða inn mörkum en hefur þó aldrei tekist að skora í ágústmánuði, ótrúlegt en satt.
„Ég vona að Harry Kane skori ekki sitt fyrsta ágústmark gegn okkur. Hann er klárlega einn besti sóknarmaður Evrópu í dag. Við verðum að vera skipulagðir til að loka á hann og aðra gæðaleikmenn sem Tottenham hefur," sagði Jokanovic sem er spenntur fyrir leiknum.
„Við erum að fara að spila á Wembley sem úrvalsdeildarlið. Mögnuð áskorun er framundan og við munum gera okkar besta til að berjast fyrir stigunum. Tottenham er með gæði og hraða og við verðum að sýna hugrekki."
Fulham tapaði 0-2 fyrir Crystal Palace í fyrstu umferð ensku úrvalsdeildarinnar um síðustu helgi.
„Við erum með marga nýja leikmenn og þurfum tíma. Við höfum unnið vel í þessari viku, andinn er góður og við höfum unnið að því hvernig við viljum spila fótbolta," segir Jokanovic.
Skorar Kane á laugardaginn?
Athugasemdir
