Eftri tap gegn Manchester City í fyrstu umferð er annar erfiður leikur framundan fyrir Unai Emery og hans menn í Arsenal. Þeir mæta Chelsea í síðdegisleiknum á laugardag.
Markvörðurinn Petr Cech mun þar mæta sínu gamla félagi en Emery staðfesti að Tékkinn verði áfram í markinu. Hann fékk nokkra gagnrýni eftir tapið gegn City.
Arsenal fékk þýska markvörðinn Bernd Leno frá Bayer Leverkusen í sumar en hann er sem stendur númer tvö í röðinni.
Markvörðurinn Petr Cech mun þar mæta sínu gamla félagi en Emery staðfesti að Tékkinn verði áfram í markinu. Hann fékk nokkra gagnrýni eftir tapið gegn City.
Arsenal fékk þýska markvörðinn Bernd Leno frá Bayer Leverkusen í sumar en hann er sem stendur númer tvö í röðinni.
„Ég er ánægður með frammistöðu Petr Cech. Hann hefur mikil gæði og mikla reynslu," sagði Emery á fréttamannafundi í dag.
„Þetta er auðveld ákvörðun fyrir laugardaginn. Ég hef trú á Petr Cech og hann verður áfram í markinu. Ég hef líka trú á Leno."
Emery segir að Arsenal þurfi að bæta sig í stórleikjum.
„Við vildum byrja vel gegn liði eins og Manchester City fyrir framan okkar stuðningsmenn en töpuðum. Það var vitað að þetta yrði erfiður leikur en við þurfum að gera betur í stærstu leikjunum."
Athugasemdir