Cristiano Ronaldo er kominn til Juventus en samt stefnir í það að ekki verði sýnt frá ítalska boltanum á Íslandi.
Svo virðist sem ítalski fótboltinn verði ekki sýndur í íslensku sjónvarpi í vetur. Þetta kemur á óvart þar sem einn besti fótboltamaður sögunnar, einn vinsælasti fótboltamaður í heiminum, Cristiano Ronaldo er mættur í deildina.
Ronaldo fékk félagaskipti í sumar frá Real Madrid til Juventus.
Portúgalinn gæti þreytt frumraun sína í keppnisleik með Juventus á laugardaginn þegar Ítalíumeistararnir sækja Chievo heim.
Í Morgunblaðinu í gær var sagt frá því að hvorki Vodafone né Síminn hefði keypt sýningarréttinn fyrir ítalska boltann, en SportTV sem sýndi frá ítalska boltanum í fyrra framlengdi ekki samning sinn.
Eins og staðan er núna er ekki útlit fyrir að ítalski boltinn verði á dagskrá í íslensku sjónvarpi en það ætti enn að vera tími til stefnu til að breyta því á einhvern hátt.
Ítalska úrvalsdeildin byrjar að rúlla um helgina og mætir Juventus eins og áður segir Chievo í fyrstu umferð.
Björn Már Ólafsson er helsti sérfræðingur Íslands um ítalska boltann en hann birti spá sína fyrir tímabilið á Twitter á dögunum.
🇮🇹Upphitunarþráður fyrir Serie-A 2018/2019🇮🇹
— Björn Már Ólafsson (@bjornmaro) August 12, 2018
Fer yfir:
▶️Spá
▶️Þjálfara
▶️Stjörnuleikmann
▶️Fylgstu með þessum
▶️Minn maður
↪️Nokkur orð að lokum
Byrja neðst ⬇️ og vinn mig upp á við⬆️
Með fyrirvara um að markaðurinn er enn opinn 🏪
🇮🇹Lokastaða🇮🇹
— Björn Már Ólafsson (@bjornmaro) August 15, 2018
1. Juventus🔱
2. Inter
3. Roma
4. Napoli
5. Lazio
6. AC Milan
7. Fiorentina
8. Atalanta
9. Sampdoria
10. Torino
11. Sassuolo
12. Udinese
13. Empoli
14. Bologna
15. Cagliari
16. Genoa
17. SPAL
18. Frosinone
19. Chievo
20. Parma
Hvernig er ykkar spá❓
Athugasemdir